தமிழ் மொழி-சோறு

தமிழ் மொழியில் சோறு என்பதற்கு வேறு பொருள் இருக்கிறது.
உணவைக் குறிக்கும் 27 சொற்களில் சோறு என்பது ஒன்று
என்று சூடாமணி நிகண்டு கூறுகிறது. (6-22)


அவை
அடிசில், போனகம், மூரல், அமலை, அயினி, பொம்மல், மடை, மிசை, உணா, புழுக்கல், வல்சி, பாளிதம், அன்னம், பதம், மிதவை, பாத்து, துற்று, உண்டி, சொன்றி, புன்கம், சரு, அசனம், ஊண், கூழ், ஓதனம், புகா, சோறு என்பன.


இவை ஒவ்வொன்றுக்கும் ஒவ்வொருவிதமான அர்த்தம் உண்டு.
ஒன்று போல மற்றொன்று இல்லை,
அத்தனை வேறுபாடுகள் இந்தச் சொற்களில் உள்ளன.
இவற்றுள் ‘சோறு’ என்பது சமைக்கப்பட்ட உணவு எனப்படும்.
சொன்றி என்ற சொல்லும் சோறு என்ற பொருளில் வரும்.
சொன்றி என்றால்,
ஒரு இயற்கை உணவுக்குள் இருக்கக்கூடிய,  
உண்ணுவதற்கு உகந்த பொருள் (SAP) என்று அர்த்தம். .
வரகின் சோறு என்று
வரகுக்குள் இருக்கும் உணவை (sap) சோறு என்று சொல்லும்
சங்கப் பாடல் உண்டு (புறநானூறு 197)


சமைக்கப்பட்ட உணவே சோறாகும் என்று சொல்லும் சங்கப்பாடலும் உண்டு.
‘ஏற்றுக உலையே, ஆக்குக சோறே’ (பு-நா -172)
என்று சொல்லப்படுவதன் மூலம்
சோறு என்பது தனித் தன்மையுடன் தமிழில் வழங்கி வந்த சொல்
என்று தெரிகிறது.
காஞ்சிவாழ் மக்கள் அனைவரும்
உணவு என்பதற்கு சோறு என்று அந்தச் சொல்லைப்
பயன் படுத்தி வந்திருக்கிறார்கள் என்று தெரிகிறது.
.

கருத்துகள்

  1. MYKUMAR3 ஜூலை, 2019 அன்று 8:41 AM

    சோற்றுக்கு இவ்வளவு சொற்களா ?

    பதிலளிநீக்கு
  2. MYKUMAR3 ஜூலை, 2019 அன்று 8:43 AM

    தமிழ் ஒரு கடல் என்பதற்கு இன்னும் என்னென்ன சான்றுகள் உண்டோ, அவற்றைக் கற்றுத் தெளிவதற்கு இந்த ஒரு யுகம் போதாதே !

    பதிலளிநீக்கு
  3. Unknown28 ஜூன், 2020 அன்று 9:00 AM

    ஒருபொருளைக் குறிக்க இத்தனை சொற்கள் ஏனைய உலக மொழிகளில் இருக்கிறதா எனில் அய்யமே.
    தமிழ் ஓர் உயர் தனிச் செம்மொழி இஃதோர் சிறந்த எடுத்துக்காட்டு.
    சிவனைக் குறிக்க நூற்றுக்கு மேற்பட்ட சொற்கள் உண்டு.
    இது போன்று இன்னும் எராளம்.
    தமிழாசிரியர்கள் தமிழ் நிகண்டுகளையும் அகராதிகளையும் அதிகம் படிக்க வேண்டும்.

    பதிலளிநீக்கு
  4. Unknown30 ஜூலை, 2021 அன்று 3:43 AM

    தமிழுக்கு நிகர் தமிழ் தான்.

    பதிலளிநீக்கு
  5. தாசெ25 மார்ச், 2022 அன்று 12:07 AM

    பதிவுக்கு நன்றி..
    அன்புடையீர்!,
    இணையத்தில் எங்கும், *தமிழ் எழுத்துக்களில் மட்டுமே எழுதுங்கள்* . பிறமொழிச் சொற்களுக்கு நிகரான தமிழ்ச் சொற்களை கண்டுபிடித்துப் பயன்படுத்துங்கள்
    #தமிங்கிலம்தவிர்
    #தமிழெழுதிநிமிர்
    #வாழ்க #தமிழ்
    இதுபற்றியான விரிவான தகவல்களுக்கு => https://thaache.blogspot.com/2020/09/blog-post.html
    ÷÷ ஞபழய

    பதிலளிநீக்கு
  6. மகரந்தன் மா.வசந்த்குமார் 8 ஜூலை, 2023 அன்று 1:32 AM

    அருமையான செய்திகளை உள்ளீர்கள் ஐயா

    பதிலளிநீக்கு
  7. c.muthuvinayagam12 அக்டோபர், 2023 அன்று 4:13 PM

    சோறு என்று சொல்லக் கூசி
    மீல்ஸ் என்று மீம்சு போடுவோர்
    இத்தனை சொற்களா யென மலையாது
    அத்தனையும் கற்கா விடினும்
    ஒன்றி ரண்டையாவதை உள் வாங்கலாம்

    பதிலளிநீக்கு

கருத்துரையிடுக

இந்த வலைப்பதிவில் உள்ள பிரபலமான இடுகைகள்

உலகச் செம்மொழி

படம்
செம்மொழிகளில் தமிழ் - முனைவர் மு. பழனியப்பன். உலகச் செம்மொழிகளின் வரிசையில் தமிழ் இடம் பெற்றிருப்பது அனைவருக்கும் பெருமை தரக் கூடிய மகிழ்ச்சியான செய்தி. உலக அரங்கில் தமிழுக்குக் கிடைத்திருக்கும் தன்னிகரற்ற பெருமை இதுவாகும். இந்தப் பெருமை பல நூறாண்டுகளுக்கு முன்னரே தமிழுக்குக் கிடைத்திருக்க வேண்டும். தற்போது கிடைத்திருப்பது ஓரளவிற்கு மனநிறைவை தமிழ் மக்களிடமும் , தமிழ் அறிஞர்களிடமும் ஏற்படுத்தியுள்ளது.   உலகின் செம்மொழிகள் என்ற நிலையில் கிரேக்கம் , சமஸ்கிருதம் , இலத்தீன் , பாரசீகம் , அரபு , எபிரேயம் , சீனம் , தமிழ் ஆகிய எட்டு மொழிகள் கொள்ளப்படுகின்றன.   கிரேக்க மொழி பாரம்பரியம் மிக்க மொழியாகும். இந்தமொழியின் வரிவடிவம் கி. மு. 700 ஆம் நூற்றாண்டில் தோன்றியதாக வரலாற்று அறிஞர்கள் கருதுகின்றனர். இம்மொழியில் உள்ள இலக்கிய வளங்கள் அதிகம். ஹோமர் எழுதிய இலியது , ஒடிசி ஆகிய மாகாப்பியங்களும் , பிளாட்டோ , அரிஸ்டாட்டில் போன்றோரின் தத்துவ நூல்களும் இம்மொழியின் பெருமையை உலக அளவில் நிலைநிறுத்தி வருகின்றன.   சமஸ்கிருதம் இந்தியவின் பழமையான மொழிகளுள் ஒன்றாகும். இந்த மொழியில் கி. மு. 1500 முதல் கி.
மேலும் படிக்கவும்

முப்புரம் எரித்த வரலாறு

வரலாற்றுக் கதை -http://lordeswaran.wordpress.com முப்புரம் எரித்த வரலாறு தாருகன் என்ற அரக்கனின் புதல்வர்கள் வித்துன்மாலி, தாரகாட்சன், கமலாட்சன் என்ற மூவர். இவர்கள் பிரம்ம தேவனை நோக்கி கடுந்தவம் புரிந்தார்கள். தவத்தை மெச்சி, தரிசனம் அளித்த நான்முகனிடம், “”நினைத்த இடமெங்கும் செல்லும்படியாக ஆகாய மார்க்கத்தில் பறக்கத் தக்க மூன்று கோட்டைகள் வேண்டும். நாங்கள் மூவரும் ஒன்று சேர்ந்து இருக்கும்போது மட்டுமே ஒரே கணையால்தான் எங்கள் உயிர் பிரிய வேண்டும்” என்ற அரிய வரத்தைப் பெற்றார்கள். வரம் பெற்ற பின் இந்திராதி தேவர்களை துன்புறுத்தினார்கள். வானவர்களைக் கடுந்துயருக்கு ஆளாக்கிய இம்மூவரையும் யாராலும் வெல்ல முடியவில்லை. மேலும் அவர்கள் சிவ பக்தர்களாகவும் திகழ்ந்தார்கள். எனவே அவர்களை சிவபெருமான் மட்டுமே அழிக்க முடியும் என்று கருதிய தேவர்கள், பிரம்மனுடனும், திருமாலுடனும் சென்று சிவபெருமானை வேண்டினர். உடனே இறைவன் இட்ட ஆணைப்படி தேவதச்சன் விஸ்வகர்மா, ரதம் ஒன்றை தயாரிக்க, வில் அம்பு சகிதமாக (மேருமலை வில்லாகவும், வாசுகி என்ற பாம்பு நாணாகவும் அமர்ந்ததாம்) நான்கு வேதங்கள் நான்கு குதிரைகளாக்கி, பிரம்மா சாரதியாக
மேலும் படிக்கவும்

ஆண்டாளின் பக்திநிலை

ஆண்டாளின் பக்திநிலை                                     பி.ஆர்.இலட்சுமி                               முனைவர்பட்ட ஆய்வாளர்                                          அன்னைதெரசாமகளிர்பல்கலைக்கழகம்                    கொடைக்கானல் . ஆண்டாள் 10 ஆம் நூற்றாண்டில் வாழ்ந்த வைணவ ஆழ்வார்களுள் ஒருவர். வைணவம் போற்றும் 12 ஆழ்வார்களில் இவர் ஒருவரே பெண்ணாவார் . ஆண்டாள் அருளிய திருப்பாவை பாடல்களின் வழியாக இறைவன் மேல் கொண்ட பக்தி குறித்த செய்திகளைச் சுட்டுவதாக இவ்வாய்வுக்கட்டுரை அமைகிறது. வைணவ சமயத்தில் ஆண்டாள் பெரியாழ்வார் என்கிற விஷ்ணு சித்தர் நந்தவனத்திலே துளசிச் செடியின் கீழே கிடைத்த ஒரு அழகிய பெண் குழந்தையை “ கோதை ” என்று பெயரிட்டு வளர்த்து வந்தார்.   மிகுந்த பாசத்தோடு இளம் வயதிலேயே   தனக்குத் தெரிந்த அனைத்தையுமே விஷ்ணுசித்தர் கோதைக்குச் சமயம் , தமிழ் சொல்லிக்கொடுத்து நல்ல திறமை கொண்டவராக வளர்த்து வந்தார்.   இதனால் கோதை , இளம் வயதிலேயே கண்ணன் மீது மிகுந்த பக்தியுணர்வு கொண்டவராயும் , தமிழில் நல்ல திறமை கொண்டவராகவும் இருந்தார். சிறு வயதிலேயே கண்ணன் மீதிருந்த அளவற்ற அன்பு காரணமாக அவனைய
மேலும் படிக்கவும்