கல்வெட்டு


பட்டீசுவரம் கல்வெட்டு:


                  தேவாங்கர் சமுதாயம் பற்றிய செய்திகள் அவர்களே வெளியிட்ட பழனிச் செப்பேடு, ஓ.கோயில்பட்டிச் செப்பேடு ஆகியவற்றின் மூலம் தெரியவருகின்றன.  இவை தவிர ஒருசில கல்வெட்டுச் சான்றுகளும் சில சான்றுகளைத் தருகின்றன. 

                   கும்பகோணம் நகருக்கு அருகிலுள்ள பட்டீசுவரம் என்னும் ஊரில் காணப்படும் கல்வெட்டு ஒன்று பட்டு நூல் நெசவு நெய்பவர்களுக்கும் சேணியர் என்னும் செட்டிகளுக்கும் இடையே ஏற்பட்ட ஒரு வழக்கு பற்றிக் கூறுகிறது.  (ஆதாரம்: Annual Report on Epigraphy 257/1927). திருமணச் சடங்குகளின் பொழுது வெற்றிலைப் பாக்கு மரியாதை யாருக்கு முதலில் தரப்பட வேண்டும் என்பதில் பட்டு நூல்காரர்களுக்கும், செட்டிகளுக்கும் கருத்து வேறுபாடு ஏற்பட்டு அதனைத் தஞ்சை நாயக்க அரசில் அமைச்சராக இருந்த கோவிந்த தீட்சிதர் தீர்த்து வைத்துள்ளார்.  இங்கு குறிப்பிடப்படும் சேணியர் என்பார் சேடர் என்று பெயர் பெறும் தேவாங்க மரபினராக இருக்கலாம்.  இது மேலும் ஆய்வுக்குரியது.

                 புதுச்சேரி மாநிலத்தில் வில்லியனூர் என்ற ஊரில் காணப்படும் கல்வெட்டு ஒன்றும் தேவாங்கர் பற்றிய செய்தியைத் தருகிறது.  (ஆதாரம்: Annual Report on Epigraphy 368/1917).  இக்கல்வெட்டில் இலைவணிகச் செட்டிகள் போலியான ஆவணங்களைக் காட்டி அரசு அலுவலர்களைத் துணைக் கொண்டு தேவாங்கர்களுக்கும், கைக்கோளர்களுக்கும் உரிய நில பட்டங்களைத் தங்களுக்குரியனவாக மாற்றிக் கொண்டனர்.  இதற்குத் தங்கள் எதிர்ப்பைத்  தெரிவிக்கும் வகையில் தேவாங்கர்களும், கைக்கோளர்களும் அவ்வூரை விட்டு வெளியேறினர்.  அதன் பின்னர் அரசு அதிகாரிகளால் கைக்கோளர்களின் செப்பேட்டு ஆவணம் ஒப்பு நோக்கப்பட்டு நீதி நிலைநாட்டப்பட்டது என்று தெரியவருகின்றது.

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

உலகச் செம்மொழி

படம்
செம்மொழிகளில் தமிழ் - முனைவர் மு. பழனியப்பன். உலகச் செம்மொழிகளின் வரிசையில் தமிழ் இடம் பெற்றிருப்பது அனைவருக்கும் பெருமை தரக் கூடிய மகிழ்ச்சியான செய்தி. உலக அரங்கில் தமிழுக்குக் கிடைத்திருக்கும் தன்னிகரற்ற பெருமை இதுவாகும். இந்தப் பெருமை பல நூறாண்டுகளுக்கு முன்னரே தமிழுக்குக் கிடைத்திருக்க வேண்டும். தற்போது கிடைத்திருப்பது ஓரளவிற்கு மனநிறைவை தமிழ் மக்களிடமும் , தமிழ் அறிஞர்களிடமும் ஏற்படுத்தியுள்ளது.   உலகின் செம்மொழிகள் என்ற நிலையில் கிரேக்கம் , சமஸ்கிருதம் , இலத்தீன் , பாரசீகம் , அரபு , எபிரேயம் , சீனம் , தமிழ் ஆகிய எட்டு மொழிகள் கொள்ளப்படுகின்றன.   கிரேக்க மொழி பாரம்பரியம் மிக்க மொழியாகும். இந்தமொழியின் வரிவடிவம் கி. மு. 700 ஆம் நூற்றாண்டில் தோன்றியதாக வரலாற்று அறிஞர்கள் கருதுகின்றனர். இம்மொழியில் உள்ள இலக்கிய வளங்கள் அதிகம். ஹோமர் எழுதிய இலியது , ஒடிசி ஆகிய மாகாப்பியங்களும் , பிளாட்டோ , அரிஸ்டாட்டில் போன்றோரின் தத்துவ நூல்களும் இம்மொழியின் பெருமையை உலக அளவில் நிலைநிறுத்தி வருகின்றன.   சமஸ்கிருதம் இந்தியவின் பழமையான மொழிகளுள் ஒன்றாகும். இந்த மொழியில் கி. மு. 1...
மேலும் படிக்கவும்

முப்புரம் எரித்த வரலாறு

வரலாற்றுக் கதை -http://lordeswaran.wordpress.com முப்புரம் எரித்த வரலாறு தாருகன் என்ற அரக்கனின் புதல்வர்கள் வித்துன்மாலி, தாரகாட்சன், கமலாட்சன் என்ற மூவர். இவர்கள் பிரம்ம தேவனை நோக்கி கடுந்தவம் புரிந்தார்கள். தவத்தை மெச்சி, தரிசனம் அளித்த நான்முகனிடம், “”நினைத்த இடமெங்கும் செல்லும்படியாக ஆகாய மார்க்கத்தில் பறக்கத் தக்க மூன்று கோட்டைகள் வேண்டும். நாங்கள் மூவரும் ஒன்று சேர்ந்து இருக்கும்போது மட்டுமே ஒரே கணையால்தான் எங்கள் உயிர் பிரிய வேண்டும்” என்ற அரிய வரத்தைப் பெற்றார்கள். வரம் பெற்ற பின் இந்திராதி தேவர்களை துன்புறுத்தினார்கள். வானவர்களைக் கடுந்துயருக்கு ஆளாக்கிய இம்மூவரையும் யாராலும் வெல்ல முடியவில்லை. மேலும் அவர்கள் சிவ பக்தர்களாகவும் திகழ்ந்தார்கள். எனவே அவர்களை சிவபெருமான் மட்டுமே அழிக்க முடியும் என்று கருதிய தேவர்கள், பிரம்மனுடனும், திருமாலுடனும் சென்று சிவபெருமானை வேண்டினர். உடனே இறைவன் இட்ட ஆணைப்படி தேவதச்சன் விஸ்வகர்மா, ரதம் ஒன்றை தயாரிக்க, வில் அம்பு சகிதமாக (மேருமலை வில்லாகவும், வாசுகி என்ற பாம்பு நாணாகவும் அமர்ந்ததாம்) நான்கு வேதங்கள் நான்கு குதிரைகளாக்கி, பிரம்மா சாரதியாக ...
மேலும் படிக்கவும்

ஆண்டாளின் பக்திநிலை

ஆண்டாளின் பக்திநிலை                                     பி.ஆர்.இலட்சுமி                               முனைவர்பட்ட ஆய்வாளர்                                          அன்னைதெரசாமகளிர்பல்கலைக்கழகம்                    கொடைக்கானல் . ஆண்டாள் 10 ஆம் நூற்றாண்டில் வாழ்ந்த வைணவ ஆழ்வார்களுள் ஒருவர். வைணவம் போற்றும் 12 ஆழ்வார்களில் இவர் ஒருவரே பெண்ணாவார் . ஆண்டாள் அருளிய திருப்பாவை பாடல்களின் ...
மேலும் படிக்கவும்